ЗГХЭГ-ын Дарга Өлзий-Очир

Засгийн газрын Хэрэг эрхлэх газар нь Засгийн газрын өдөр тутмын ажил явуулгыг гүйцэтгэх байнгын аппарат бөгөөд Засгийн газарт орж буй бүх асуудлыг бүртгэн боловсруулах, шуурхай зөв шийдвэрлэх, аппаратын өмнө тавигдаж байгаа зорилтыг хангах, аппаратын хэлтэс, тасгийг удирдаж зохион байгуулах үүрэгтэй явж иржээ.

1933 оны 1 дүгээр сарын 13-нд Сайд нарын Зөвлөлийн II хурлаар батлагдсан Сайд нарын Зөвлөлийн дүрэмд Хэрэг эрхлэх газрын дарга нь Сайд нарын Зөвлөлд зөвлөх эрхтэй гэж заажээ.

Ц.Өлзий-Очир нь 1932.7.4-нөөс 1937.9.11 хүртэл Засгийн газрын Нарийн бичгийн дарга бөгөөд Захирах тушаах явдлыг биелүүлэх Хэрэг эрхлэх газрын даргаар ажиллаж байжээ.