ЗГХЭГ 1990 он

Засгийн газрын Хэрэг эрхлэх газар нь Засгийн газраас үйл ажиллагаагаа явуулах нөхцөл бололцоог бүрдүүлэх, эрх бүхий байгууллагаас Засгийн газарт оруулсан асуудлыг зохих журмын дагуу хэлэлцүүлэхэд бэлтгэх, Засгийн газрын үйл ажиллагааны үндсэн чиглэл, тогтоол, шийдвэрийн биелэлтэд тавих шуурхай хяналтыг хэрэгжүүлэх үүрэг бүхий Засгийн газрын ажлын аппарат юм.

Хэрэг эрхлэх газрын дарга нь 1990 оны 9 дүгээр сар хүртэл Сайд нарын Зөвлөлийн бүрэлдэхүүнд багтаж байсан бөгөөд 1990 оны 9 сарын 26-нд Улсын Бага хурлын тогтоолоор батлагдсан Засгийн газрын шинэ бүтэц, бүрэлдэхүүнд нь ороогүй байна.