ЗГ-ын ажлын алба

1922 онд Засгийн газрын Ажлын алба нь Засгийн газрын Хэрэг эрхлэх газар, Цааз хууль эмхлэх хэлтэс, Хянан байцаах хэлтэс гэсэн 3 нэгж, нийт 28 орон тоотойгоор үйл ажиллагаа явуулдаг байжээ.

Засгийн газрын Хэрэг эрхлэх газарт Эрхэлсэн түшмэл бөгөөд нарийн бичгийн дарга, туслах түшмэл, жинхэнэ бичээч, зарлага, галч, Цааз хууль эмхлэх хэлтэст Эрхэлсэн түшмэл, туслах түшмэл, туслах түшмэл хавсарсан орчуулагч, жинхэнэ бичээч, зарлага, галч, Хянан байцаах хэлтэст Дарга, Эрхэлсэн түшмэл, бүртгэгч түшмэл, байцаагч түшмэл, нягтлан бодох бичээч, жинхэнэ бичээч, хөдөлмөрч зэрэг албан тушаалууд харьяалагдан ажиллаж байжээ.